Qytaıdyń Sındao qalasynda ótetin ShYU sammıtiniń kún tártibi maquldandy

Qazaqstan, Qytaı, Qyr­ǵyz­stan, Úndistan, Pákistan, Reseı, Tá­jikstan, О́zbekstan syrtqy ister mı­nıstrleri Beıjińdegi osy oty­rystyń barysynda ShYU-nyń saıası, ekonomıkalyq jáne gýmanıtarlyq sala­lar­daǵy aldaǵy mindetterdi talqy­lady, sondaı-aq Sındao deklara­sııasynyń jobasyn jáne uıym­nyń qyzmetine qatysty basqa da she­shimderdi qarastyrdy. Halyq­aralyq jáne óńirlik kún tárti­biniń ózekti máseleleri boıynsha baıypty pikir almasyldy. 2017 jyly maýsymda Astanada ótken ShYU-nyń sammıti bary­synda qol jetkizilgen ýaǵdalas­tyq­tardyń iske asyrý barysy qarastyryldy.

Qazaqstan Syrtqy ister mı­nıstri Qaırat Ábdirahmanov óz sózinde azyq-túlik qaýipsizdigin qamtamasyz etý, ShYU-ǵa mú­she memleketterdiń kóliktik baǵ­dar­larynyń jan-jaqqa tarmaq­talǵan júıesin eskere otyryp, avtokólik jáne temir jol­dardy damytý máselesiniń ózekti­ligin atap ótti. Sonymen qatar Qa­zaq­stannyń ShYU-nyń Iskerlik keńesi men ShYU-nyń Bankara­lyq birlestiginiń mınıstrlik má­jilisteri men jumys toptarynyń tetikteri qamtylǵan neǵurlym aýq­­ymdy yntymaqtastyqqa jan-jaq­ty qosylýyn qoldaıtynyn atap, saýda-ekonomıkalyq sala­da qabyldanǵan qujattardy tú­gen­deýdi jáne olardyń iske asy­ry­lýyn qamtamasyz etýdi usyn­dy.

Otyrys qarsańynda delegasııa basshylary Qytaı Halyq Respýblıkasynyń Tóraǵasy Sı Szınpınmen kezdesti. Ol Qy­taı tarapy ShYU-nyń damýyna járdem etýdi eldiń syrtqy saıa­sı basymdyqtarynyń biri retin­de qarastyratynyn jáne uıym­ǵa basqa múshe memleketter­men birlese saıası salada ózara qoldaý kórsetýge, óńirde qaýip­sizdik pen turaqtylyqty qam­tamasyz etýge, «Bir beldeý – bir jol» baǵdarlamasy aıasynda ynty­maqtastyqty nyǵaıtýǵa, gýma­nıtarlyq almasýlardy keńeıtýge daıyn ekenin bildirdi.

Jalpy, syrtqy saıasat ve­dom­stvo­larynyń basshylary ShYU ózara senimdilikke, ózara tıim­­dilikke, teńdikke, ózara kon­sýltasııalarǵa, mádenıettiń alýan túrliligin qurmetteýge já­ne birlesip damý umtylysyna súıene otyryp, ózin bedeldi halyq­aralyq uıymnyń jańa túri jáne halyqaralyq qatynastar júıe­siniń mańyzdy qatysýshysy retinde bekitkenin aıtty.